هجاء مينا نجيب للواء محمد طلبة مدير أمن القاهرة الجديد

حسب مقال المصرى اليوم بتاريخ 26 فبراير 2011 بعنوان أهالى «المظلات» يستغيثون من «البلطجية».. ومدير أمن القاهرة يرد: حقوق الإنسان والحرية التى تريدونها تمنع ملاحقتهم ... قررت إن الكلام المنطقى و المناقشة او التفاهم عمرهم ماهيجيبوا نتيجة مع واحد قال كلمتين زى اللى الباشا اللواء محمد طلبة مدير أمن القاهرة الجديد.. الذى كان تعليقه على مشاكل الأهالى "لا أستطيع الآن أن أطلق على أى مواطن صفة بلطجى، أو أتعامل معه على هذا الأساس، طبقاً لحقوق الأنسان، والعصر الجديد الذى تريدونه، إلا بعد أن يمثل أمام النيابة العامة، وتثبت إدانته"

طب والله الراجل دة صعبان عليا لأقصى حد !! واحد ربط مابين حقوق الإنسان و الجريمة !! واحد مش عارف يتعامل مع أمن المواطنين غير بنظام الإعتقال و قانون الطوارىء و التعذيب بالكهربة !! واحد مش عارف يعنى ايه حقوق و يعنى ايه إنسان اصلاً!! من الآخر ... واحد جاهل. تخيلوا إن اللى قال الكلمتين دول خلص 14 سنة دراسة فى مدارس و اتخرج.. و بعدين خلص شرطة و وصل لدرجة لواء و كمان مدير أمن عاصمة بلد بحجم مصر... و جاااهل !!!

بس ياترى المفروض أستغرب اللى حصل؟ ياترى دة الكلام الطبيعى المتوقع من لواء شرطة؟ من الواضح إن غباء و جهل الشرطة وصل لحد لا يمكن السكوت عليه !! مفيش إنسان عاقل بكامل قواه العقلية يقول كلمتين زى دول! يعنى بلاد الدنيا اللى ماشية منغير جريمة بدون قانون طوارىء و عندهم حقوق إنسان شعبها عبارة عن ملايكة؟ ولا الشعب المصرى 90% منه بلطجية و الشرطة هما الملايكة اللى بيحموا الباقى؟ اه انا نسيت ... الشرطة جزء مهم من البلطجية!!

يا جاهل يا بلطجى يا متخلف حقوق إنسان ايه اللى مش عارف تمسك بيها بلطجية؟ مفيش قانون يقولك لو شفت جريمة تتدخل؟ ولا هو نظام يا قانون طوارىء و ظلم و غباء يا مش هشتغل؟ ببساطة انت الوحيد اللى أقدر اقول عليه مجرم "مختل عقلياً" و مفيش اتنين يشككوا فكدة !! على الأقل كل المجرمين اللى كانوا "مختلين عقلياً" فعهد رئيسك حبيب العادلى كان مشكوك فتلفيق قضاياهم لكن انت الوحيد اللى عمر ما حد هيشك انك مختل عقلياً.

أنا بطالب بإقالة فورية ليه و إعادة تأهيل عاجلة للعاملين بالداخلية لأن من الواضح إنهم فى أشد الحاجة للتعليم و للطب النفسى و شكراً