Friday 4 March 2011
ما بين الأسوانى و شفيق!!
بعد حلقة او تى فى التى سبقت إستقالة شفيق بساعات قليلة و التى كانت شبه اسخن حلقات التوك شو خلال الثورة حتى الآن لاقيت اتهامات كتير موجهة للكاتب المبدع علاء الأسوانى عشان كان بيزعق فرئيس الوزراء أحمد شفيق .. مش عايز اطول لأن الحلقة كانت طويلة و لكن انا بكتب البوست دة دفاعاً عن الكاتب الذى اقدره و احترمه بالرغم عن أنف الجميع. علاء الأسوانى اللى انضم للمظاهرات و دافع عن حرية الوطن و شاف الناس بتموت جنبه.
السؤال هنا: لو حد من قرايبك او اصحابك مات يوم الجمال فالتحرير مكنتش هتسب الدين لأحمد شفيق؟
لو إجابتك كانت و شفيق علاقته ايه... هقولك دة رئيس الوزراء يومها و لو مكنش عارف حدث مهم زى دة غير بعد العصر زى ما قال يبقى مالوش لازمة طالما مش عارف يتابع اهم منطقه فبلده من اول يوم يمسك الوزارة فيه و لو كان عارف دى تبقى جريمة و فى كلا الحالتين هذه الحادثة فى اى دولة محترمة كافية للإقالة حكومة بأكملها.
علاء الأسوانى الكاتب اللى بيكتب كلام قبيح و مش عاجبك دافع عن دم ناس ابرياء ماتوا و لو هو كان سكت و مهزئش شفيق كنت انا هبقى اول واحد يكرهه .. و لكن الراجل كان دمه محروق و شفيق مردش على أسئلة كتير و دة اللى وصل الأسوانى لأنه يعلى صوته ..لأن ببساطة شفيق لم يكن جدير بالمنصب خاصة انه حلف اليمين امام رئيس فاقد لشرعيته و شكراً.
Subscribe to:
Post Comments (Atom)
No comments:
Post a Comment